Ych-A-V
YCHA V – dyna pwy ydyn nhw, dyna beth ydyn nhw!
Ymhell bell i ffwrdd heibio’r llwybr llaethog a throi i’r chwith, yna i’r dde yna i'r chwith eto heibio’r blaned biws - yna mae Creswel, Lila, Rosina a Gogor yn ymweld â Charchar yr Ysbrydion.
Yn anffodus fe anghofiodd Brecls, eu hanifail eithaf anwes, gau’r giât gan ryddhau ysbrydion mwyaf ffiaidd y galaeth.
Cosb criw YCHA V oedd teithio’r bydysawd yn hela’r meirw byw - sy’n handi a deud y gwir am eu bod nhw gyd yn hoff o’r ysbrydion, y meirw, gwisgo du a wel, y math yna o beth.